منتديات عراق السلام

اعلانات المنتدى

 

 

 

 

 

 

 

 

   
العودة   منتديات عراق السلام > المنتديات الادبية > منتدى الشعر الشعبي والابوذية والدارمي

الإهداءات

إضافة رد
 
أدوات الموضوع انواع عرض الموضوع
قديم 12-14-2007, 01:18 AM رقم المشاركة : 1
امـــ الحب ــير
عضو فعال

الصورة الرمزية امـــ الحب ــير
 
تاريخ التسجيل : Dec 2007
رقم العضوية : 8010
الإقامة : في ام الدنيا بغداد
الهواية :
الجنس :
المواضيع : 13
الردود : 229
مجموع المشاركات : 242
معدل تقييم المستوى : امـــ الحب ــير is on a distinguished road

امـــ الحب ــير غير متواجد حالياً

افتراضي ديوان *** احبكم *** للشاعر عادل محسن


هذه اشعار الشاعر المبدع عادل محسن
اتمنى التثبيت


***احبـــكــمم***
.....................احبكم كلمه متفارك لساني
وبعدكم ماعشت عمري عساني.............
احبكم ما اعيش ابلا هواكم
ويظل محروم كلبي المانساكم
خذتكم قسمتي لنسان ثاني
وبعدكم ماعشت عمري عساني
................شفايفكم طبعتوهه على خدي
وعشت عمري بهواكم حلم وردي........
رجعت وحالتي منكم غريبه
بكلب محتار ماحصل نصيبه
وكبل جنت انه المدلل زماني
وبعدكم ماعشت عمري عساني
................بدون اعيونكم شلي بحياتي
وبقت بس الصور من ذكرياتي .........
انتهيت ونزلن عيوني الحزينه
بنفس ذاك الطريق البي مشينه
تركتوني غريب لوحدي اعاني
وبعدكم ماعشت عمري عساني
**********************************

****انا أشتاكيت
**من شفتك حبيبي العين بالعين دمعتي ودمعتك نزل سوية**
**رجف كلبي عليك ووكف لحظات واحس وفتني ساعتهة المنية**
**اذا حبك اذية تعذب الروح صدك اني راضي بهالاذية**
**انا اشتاكيت ماظل صبر بية واجيك اليوم مو باجر الجية**
**اجيلك ركض ووصل كبل الاجدام واذا تعبن اجدامي امشي اعله ادية**
**واذا حنيت الي وذاك الخلك بيك احس بدنيتي ضاكت علية**
**واذا بيناتنة ابعيدة المسافات على النسمات توصلني الوصية**
**حبيبي ولوردت وصي الهوى الهاب اشم بيه ريحتك من يمر بية**
**واذا وحشة عليك اصير باليل عليه الوحشة تبدي من المسية**
**واذا دمعك علي يترل بالاخدود عليك عيوني طاحن بين ادية* *
*************************************
****اشوفك وين****
اشوفك وين؟ حبيبي اتوسلك واطلبها منك دين
اشوفك وين؟ يالساعة افراكك جنهة عشر اسنين
اشوفك وين؟ عين الماتشوفك عمية هاي العين
وعين المابجتلك شلي بيها العين
وابوسك وين؟ لو مره اني اشوفك كلي ابوسك وين
عالخدين... ماظن تطفة ناري ابوسة الخدين
ابوس العين... لا يالعين صدكـ انتهي لو صرنة عين بعين
واشمك وين... شعرك لو ركبتك لو من الجفنين
لو من الشفايف لو من الرمشين
لايازين ترة اطباع المفارك مو اطباع الزين
تذكر بالهوى شكد جنة متصافين؟
ما اذكر حبيبي بلحظة انتة بعيد
انت اقرب الي من رمش العين
مايشبهك احد بالعشك والله
اني اوياكبالحب نختلف ياحلو عالباقين
اني وياك مو انسان يهوى انسان
اني وياك واحد منقسم نصين
لو جبنة الحلاوة انتة اجمل الحلوين
ولو جبنة الوفة انتة اغلى الموافين
لا ياعين لتبطلين دمعج مو خسارة يروح عالحلوين... عالغالين
روحي اليوم تخلص حدها هذا اليوم
اخاف انتهي وتندم ياحلو بعدين
اشوفك وين؟
**************************************
****يا ذنب الجنيتة****
يا ذنب الجنية وعني باعدتي وهسة اندارات الدنيا وتندمتي
انتي ام عين باعت عشرتي بلحظات بنفس العين هسة كبالي دمعتي
المواقف تنذكر لمن يصير اعتاب انا شكايل عليج وعني شكلتي
يسألونج عني وكلتي هذا منين وسألوني عليج وكلت صاحبتي
متأمل جروحي الليلة كلهة تطيب وانسى الذكريات ودمعتي وقصتي
ماحن الي كلبج الا هذا اليوم بعد ياجرح يشفة وانتي عاودتي
حرت مابين عن وجهج ادير العين ومابين احضنج واصرخ اتاخرتي
عيني اتحملت واندارت بملكاج ولا جنها اغركت بالدمع لمن رحتي
بس كلبي ضعف واتعاند أوية العين ورضا وسامحج اول ما تعذرتي
******************************************
***اجيتك***
اجيتك مستحي وبالكوة ادك الباب وعالخدين سالت دمعة مفضوحة
وصلت لباب دارك وتعثرت بالباب كد ماتعبني الجية والروحة
غريب وعندي صعبة هواي طبة الدار وكبل جانت كبل بس الي مسموحة
بجيت وصحت بسمك من ورة الحيطان بكلب مسكور يشبه كسرة اللوحة
حبيبي بداعتي مر عالكلب خطار وبسجين عينك مزق جروحة
العالم تذبح الدمعة بضريج ايام واني بحضرتك دمعاتي مذبوحة
اني الجنت اجيك بضحكة من ابعيد اجيت بطرك دمعة وروحي مجروحة
اجيتك واعتذر واعتب عليك هواي واريد ارجع البيتي اذنوبي ممسوحة
من دونك بلافرحة وكصيرة الايد وأشوف الفرح يمي وايدية متلوحة
حبيبي بعيني اشوفك جاهل زغيرون تتمرجح واني كلبي ايصير مرجوحة
حبيبي معاهدك واحلف كلام الله اليخونك حبيبي ايقشمر بروحة
*******************************************
***ساعة وتغيب الشمس***
ساعة وتغيب الشمس ساعة ويجيني الليل.....
ويحتاج حيل ودمع ومنين اجيب الحيل.....
روحي حمامة صفت ابيت اهلي تدور.....
اشتاقيت لمي انا والخبزة التنور.....
بديرة هلي بالطعم يختلف حتى الماي.....
وحتى الهوى يم هلي يختلف والله اهواي.....
كل ليلة تسوى العمر لو كعدو اهلي وياي.....
ومن ايد امي الصبح محلى استكان الجاي.....
يامنطقتنة حلم ارجع الاصحابي.....
وكل ساعة صاحب يجي ويدك على بابي.....
محتاج محبوبتي الحلوة ام جفن غافي.....
واتمنة هسة تجي وتغفة على جتافي.....
مشتاق للمدرسة والجرس والساحة.....
اطفال نركض ركض بس نشعر براحة.....
اشما دار بية الزمن ابقى الهلي ميال.....
ومنين احصل كلب يتحمل الترحال.....
*****************************************
***تعـــــــــــال***
تعال اصفي البينك وبيني وبعد ارجوك لتحاول تجيني
اذا اطلبك امسامح.كلشي ماريد واذا مطلوب الك جيت ا فك ديني
اذا مرك سهر وسهرت فد يوم انا سهران الك كل عمري وسنيني
واذا مرك دمع وبجيت فد يوم دموعك ردت بيهن تشتريني
جنت قاسي بمحبتك حيل وياي وعلى اصغر مواقف تبجيني
وجنت ملهوف اجيك ودمعتي اتسيل وجنت مرتاح تضحك تلتقيني
تعال وكل طرف يحجي اليريدة ونمحي اثار حبنة ومانعيدة
ماأندم على ماكان رايح انا اخسرتك بس صدك اني رابح
واذا متباهي انك عني صديت صدك باجر مدنك تجيني
*********************************************
***الذنب ذنبي***
الذنب ذنبي اكشفتلك نقطة ضعفي ودليتك عليهن وحدة وحدة
وانا الكادر اظم وكادر اخفي بس ظنيت احنة بروح وحدة
الايد اللي اوجعتني انطيتها لك استفيد بغلطتي وأوجع بشدة
احبك حب جبير وهذا ذنبي واليبحني واحبة بروحي اسعدة
وأنت بأصعب اللحظات اجيتك نكرت وجوهنة وبابك تسدة
حبيبك يبقى الاول لا تجافيه ودموعك لمها لم وابجيها عندة
حبيبك لو لو غلطت وياه راضيه ترجع بالفشل من تهوى بعدة
وين العشرة ذيج ودمعة العين وين احلامنة ووين المودة
ليش اللتحبة وتقسي وياه يجيك امدنك وينطيك خدة
ومن ايشوف ضعفك شوكة يمطيك بدل ميبوسك وينطيك وردة
****************************************
***كل شي ينباع***
كل شي بهل الزمن ينشري وينباع عدا نبض الكلوب ودمعة العين
بأموالك تحصل راحة البال بس ماتنجمع بالمال كلبين
الحب يعني تذوب الروح بالروح الورد ةلا مايورد الا بالطين
الذهب يلمع بريقة ويسحر الناس بس عمرة الذهب مابجة العيون
وحيبيبك من يغب عليك لحظات عقلك ينتهي ويصيبك اجنون
يصب دمعك على الخد مثل الاطفال وتظل تناطر اليرحون ويجون
نملك مال بس اغلى امن الاموال حبايب ساعة الشدة يوافون
رصيد الحب جبير وماخلص فديوم بس كلمة حبيبي اتعادل الكون
*************************
***اخر خبــــــــــر***
سمعت اخر خبر عنك سمعتة كشفت اسرار حبنة وكلشي كلتة
جنث خايف عليهة اسرارنة اتضيع وتطلع مني مو منك انتة
جنت كد ما أهابك تحجي وياي وأحاجيك بدمع ولساني سكتة
فوك الجمر جيتك حافي الاجدام ومن ردت اوصلك بيدك شعلتة
عذولي الجان يحلم يحجي وياي علو صوتة يسمعني ضحكتة
فرحان ابتسم للرايح وجاي ويبشر الناس كلهة بعيني شفتة
ما نادم بس على تعبي وياك يهد الحيل يا تعبي التعبتة

************************************
***الابــــــــــــــ***
جنة ازغار نكعد وكت الغرورب اباب الدار ننطر جية ابونة
يرجع مبتسم بس وجهة متعوب ومن ايوشفنة يضحكن اعيونة
يجي امحمل اشكال والوان وتظل اتلوم بيع امنة الحنونة
تعبك هذا تعبك لا يابو فلان تتعب والجهال ايضيعونة
لكن يبتسم ودموعة بالعين ويكل لمي التعب يستاهلونة
هذولة احزام ضهري بساعة الضيج والج بشدة يام فلان عونة
ابونة اعلى جتافة صغار وكبار لعبنة اسنين ماتعبن امتونة
يلبسنة حرير وهو محروم وقميصة امن التعب مكلوب لونة
واذكر لو لعبنة الوالدة اتصيح ابوكم نايم لتفززونة
الحد هاليوم صدك منك انخاف ونجل اسمك يوالدنة ونصونة
يا هنيالة اليسعدك واليرضيك ابرضاك الجنة ندخلها يا ابونة
ابونة بدنيتة مايوم مرتاح الدنية اوياه صعبة ومايملها
تعب جاع وعطش ما دنك راس ولا رخص ركبنتة ومرة ذلها
اصلب رجل بينة بمحنتة ايصير وكل صعبة التمر بيده يحلها
بس اضعف رجل بالعائلة ايصير اذا امي المرض مرة وصلها
امي اشكد تحبة اشكد تداريه امدللها الجبير وهو خلها
بس لو عضب مرة ولمي اندار ترجف خوق من ايباوع الها
ابونة امن المصايب يحمل اشكال ولا يحمل عتب امي وزعلها
عندة المهم يتعب واحنة نرتاح وابد منية اجد ماحملهت
علمنة الولد عون اهله بالضيج ومحبة اهلك ترة اتموت الاجلها
وجيرانك اعز من احتك اصير واغلى من نظر عينك خجلها
يرجع ظهرة منجي وجدمة تعبان وتتلكاه امي ويضحك الها
وكبل مانوصلة وتسلم اعليه الله يساعدج هو يكلها
رقيق وكلبة دافي طبعة محبوب ابونة ايغرك العالم حنانة
مايرتاح كلبة وعيونة متنام اذا منام كل واحد بمكانة
واذا لحظة انتاخر خارج البيت يقلق والدي ويطلع ورانة
وتولمة الوالدة وتردية يرتاح ويكلها ابركبتي ذولة امانة
تجي لحظات يصبح قاسي الاطباع وندري القسوة من حرصة علينة
دنيانة بحر واحنة ابوسط روج سفينة وهو ربان السفينة
يعاقبنة اعلى غلطة ويقسي مرات ولاجنة ابو الروح الحنينة
وبعد لحظات لو منة الزعل راح يجي ندمان ويبوس بدينة
الله موصي بيه باقدس اكتاب بالقران وامي وياه جعلها
يا رضا الله ورضا الوالديم وميزات الابو عونة الحملها
تقي ويخاف ربة بيوم الاحساب ويحمده على اللكمة الاكلها
احتضن امه وابوه اسنين وسنين وجفوفة شمع ضواها كلها
نظل نعلك العشرة الوالدي اشموع مثل ما لهلة كل عمرة شعلها
***************************************
***لا تخــــدعــك ضحــــكــة***
لا تخدعك ضحكة بالوجه الصبوح ولا يغرك ابسلام امن البعد
غربة وتفرحلك اذا اتشوفك جبير والك اقرب ناس كاتلها الحسد
احذر اليمسح اجتافك من يجيك واحذر الصحبة الكثر بيهة العدد
ايصح قريب وامرافكك لكن حقود ويصح بعيد ايصير الك عون وسند
الناس مو كلمن ضحكلك بيه امان وذاك من ذاك يوفيلك وعد
احذر احجايات من طرف اللسان ناعمة وبيها الطعم مثل الشهد
هاي دنيا اتغيرت بيها الوجوه والظباع التفت بجلد الاسد
هاي دنيا ومانفع بيهة الكلام والله يدري اشبيهة يتغير بعد
الحميتة امن الشمس بثنين ايدك ممكن ايعوفك الوحدك بالبرد
والعلى جتافك صعد من يسألوه يبتسم ويكول من جد وجد
والتعلمة الحجي وكل معنى الاصول ابظهرك يذم بيك ويطعنك عمد
والتعملة يصيب عدوانة سهام انت كبل اعداه ايصوبلك اشد
ضاعت الصحبة وعلى الصحبة السلام والزمان الراح لصدك يرد
صدك من كال اليبجي امشي وراه وابد لا تمشي اوية المضحك ابد
***************************************
***البنــــــات***
لا تكولون الذنب ذنب البنات وبالهوى اتكولون ماعدهن وفة
كلوبهن ترفة ورقيقات النساء الله خالقهن حنان وعاطفة
الف هنيالة اليحب طيبة صفات والف هنيالة العلى ايدها غفة
رقة واحساس ووفة وطيبة وجمال وابد ادم ماحمل هاي الصفة
على كيفك وية قوارير الزجاج ولا تخليها بمهب العاصفة
تدري شيحس الكلب لوهن يوم ايمرن كبالك طيور امزلفة
وتدري عينك تفرح وبيهن تشوف لوحة من ربك جميلة مزغرفة
ابيهدة وية حواء مو ذني البنات اجفوفهن لجروحنة بيها الشفة
انت يلي تكول باعتي برخص انتة مو كد الهوى ولا تعرفة
الغزال ارهيف وبسرعة يطيح من تتعبة وفوك حملة انكلفة
الذنب ذنبك انتة للفركة اعتنيت وجان كلب الحلوة بيدك واختفى
هي جانت كمر وبدربك ينور وانت خليت الكمر بيدك طفة
وانت يلي تكول عافتني


والي عنده بعد اشعار لعادل محسن خلي ينزلهن



]d,hk *** hpf;l ggahuv uh]g lpsk


من مواضيع امـــ الحب ــير في المنتدى







التوقيع - امـــ الحب ــير

رد مع اقتباس
قديم 12-14-2007, 03:12 PM رقم المشاركة : 2
نور بغداد
عضو فعال

الصورة الرمزية نور بغداد
 
تاريخ التسجيل : Oct 2007
رقم العضوية : 3396
المواضيع : 48
الردود : 107
مجموع المشاركات : 155
معدل تقييم المستوى : نور بغداد is on a distinguished road

نور بغداد غير متواجد حالياً

افتراضي

مشكووور امير الحب وعاشت ايدك على هذا النقل المميز لشاعرنا المبدع عادل محسن
تحياتي الك .. وبالموفقيه يارب

من مواضيع نور بغداد في المنتدى







التوقيع - نور بغداد

[img] [/img]

رد مع اقتباس
قديم 12-15-2007, 02:25 AM رقم المشاركة : 3
اوراق عمري وربيع قلبي
عضو جديد

الصورة الرمزية اوراق عمري وربيع قلبي
 
تاريخ التسجيل : Aug 2007
رقم العضوية : 729
المواضيع : 18
الردود : 71
مجموع المشاركات : 89
معدل تقييم المستوى : اوراق عمري وربيع قلبي is on a distinguished road
إرسال رسالة عبر مراسل Yahoo إلى اوراق عمري وربيع قلبي

اوراق عمري وربيع قلبي غير متواجد حالياً

افتراضي




يسلمــوـوـوـوـوـوـوـوـوـوـوـو ¦[‘وـو‘‘وـو‘‘وـو‘‘وـو‘]¦ يسلمــوـوـوـوـوـوـوـوـوـو
©§¤°يسلموو°¤§©¤ــ¤©§¤°حلوو°¤§©
©§¤°يسلموو°¤§©¤ـــــــــــــ¤©§¤°حلوو°¤§©
©§¤°يسلموو°¤§©¤ـــــــــــــــــــــ¤©§¤°حلووو و°¤§ ©
©§¤°يسلموو°¤§©¤ـــــــــــــــــــــــــــــــ ــ¤© §¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــــــــــــــ¤©§¤°حلوووو° ¤§©
حلــوـوـوـوـوـوـو¦[‘وـوــــــوـو‘وــوـــــوـو‘وـوـــــوـو‘وـوـــ ــوـو]¦ حلــوـوـوـوـوـو
©§¤°يسلموو°¤§©¤ـــــــــــــــــــــ رائع جدا جدا جدا جدا ــــــــــــــــــــــ¤©§¤°حلو ووو°¤§©
©§¤°يسلموو°¤§©¤ـــــــــ كلش حلو و انشاء الله ادوم للمنتدى ومشكوووو ــــــــ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــ موضوع روعة بالابداع ¤©§¤°حلو ووو°¤§©
©§¤°يسلموو°¤§©¤ـــــــــــــــــــــــــــــــ ــــ ــــــــــــــــــــــــــــــــــــــــــــ¤ ©§¤°ح لو ووو°¤§©
©§¤°يسلموو°¤§©¤ـــــــــــــــــــــــــــــــ ــــ ــــــــــــــــــــــــــــــــــــــــــ¤©§ ¤°حلو ووو°¤§©
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــــــــــــــــــــــ¤©§¤ °حلو ووو°¤§©
مــشــكــوـوـوـور¦[‘وـوـــــوـو‘وـوــــــوـو‘وـوـــــوـو‘ــوـوــ ــوـو]¦ مــشــكـووـوور
©§¤°يسلموو°¤§©¤ـــــــــــــــــــــــــــــــ ــــ ـــــــــــــــــــــ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــــ ــــــــ ¤©§¤°حلوووو°¤§©
©§¤°يسلموو°¤§©¤ـــــــــــــــــــــــــــــــ ــ¤© §¤°حلوووو°¤§©
©§¤°يسلموو°¤§©¤ـــــــــــــــــــــ¤©§¤°حلووو و°¤§ ©
©§¤°يسلموو°¤§©¤ـــــــــــــ¤©§¤°حلوو°¤§©
يسلمــوـوـوـوـوـوـوـوـوـوـوـو ¦[‘وـو‘‘وـو‘‘وـو‘‘وـو‘]¦ يسلمــوـوـوـوـوـوـوـوـوـو

من مواضيع اوراق عمري وربيع قلبي في المنتدى

رد مع اقتباس
قديم 09-05-2009, 04:37 AM رقم المشاركة : 4
العيون السود

الصورة الرمزية العيون السود
 
تاريخ التسجيل : Jul 2009
رقم العضوية : 31332
المواضيع : 7
الردود : 15
مجموع المشاركات : 22
معدل تقييم المستوى : العيون السود is on a distinguished road

العيون السود غير متواجد حالياً

افتراضي

مشكووووووووووووووور
يخبلن ويجنن واني كلش احب عادل محسن صح السانك وعاشت ايدك

من مواضيع العيون السود في المنتدى

رد مع اقتباس
قديم 09-05-2009, 02:01 PM رقم المشاركة : 5
انتهى المشوار

الصورة الرمزية انتهى المشوار
 
تاريخ التسجيل : Sep 2008
رقم العضوية : 23893
الإقامة : \
الهواية : \
الجنس : أنثى
المواضيع : 0
الردود : 2
مجموع المشاركات : 2
معدل تقييم المستوى : انتهى المشوار is on a distinguished road
إرسال رسالة عبر مراسل Yahoo إلى انتهى المشوار

انتهى المشوار غير متواجد حالياً

افتراضي

شكرا عالنقل يسلمووووووووووووووووووو


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


ديوان *** احبكم *** للشاعر عادل محسن

منتدى الشعر الشعبي والابوذية والدارمي



الساعة الآن 06:38 PM.

دردشة عراقنا دردشة عراقية