المساعد الشخصي الرقمي

مشاهدة النسخة كاملة : الثقه بالحبيب او الحبيبه


أحزان
12-19-2009, 10:34 AM
بسمـ آلله آلرحمن آلرحيمـ

السلام عليكم ورحمة الله وبركاته

اخواني واخواتي مشرفي قسم النقاشات الجاده انا اليوم سأطرح مو ضوع الثقه ولكن ليس الثقه بالناس بصوره عامه بل الثقه المحدده للحبيب او الحبيبه بحثت في المنتدى فوجدت موضوع الثقه موجود ولكن موضوعي انا يتحدث عن الثقه بالحبيب او الحبيبه فأرجوا عدم حذف المو ضوع

كل انسان يمر بمرحلة حب لشخص معين يرتاح له نفسيا ويحس بوجوده انه ملك الدنيا بما فيها وتكون في قمة فرحك اذا صارحك الطرف الاخر وايقنت انه يبادلك نفس الشعور ...حقا انه شعور جميل ومفرح ...عندئذٍ سوف تطرح الثقه كامله بالحبيب او الحبيبه وتفتح حجرات قلبك له ليسكنها كما تسكن الحنايا قلب الإنسان .. وتعيش معه اجمل لحضاتك وايام حياتك وتشعر انك في قمة الفرح والسعاده

في هذه اللحظه وانت في قمة سعادتك تكتشف ان من يحبك يتلاعب بمشاعرك
ان التلاعب بالمشاعر امر مستهجن منكور
اكيد سوف تنصدم وتحس ان الدنيا انقلبت على رأسك الذي كان مرفوعا ....أمر وموقف صعب جدا جدا صعب على كل من مروا بهذه الحاله
وعود وكلام جميل ومنمق ورؤيه مشرقه للمستقبل واذا بك تكتشف ان كل ماقاله او قالته مجرد كلام مع ايقاف التنفيذ

يا لخيبة الأمل … التي نشعربها حينما نكتشف اننا اخترنا الشخص الخطأ


اوجه سؤالي الى ادم

ان كنت لاتحب الفتاة من قلبك لماذا تقوم بالتلاعب بمشاعرها ؟

ولكِ ايظا حواء نفس السؤال

هل اصبحت الثقه بين الحبيبين معدومه ؟؟

هل يجب علينا ان لانثق بالحبيب او الحبيبه مطلقا ؟؟ام انه سوء اختيار ؟؟

انتظر اجاباتكم

قطقوطة مارو
12-19-2009, 12:58 PM
اقتباس:
المشاركة الأصلية كتبت بواسطة عصبيه جداا http://www.iraqpf.com/violet/buttons/viewpost.gif (http://www.iraqpf.com/showthread.php?p=1632607#post1632607)

ولكِ ايضا حواء نفس السؤال

هل اصبحت الثقه بين الحبيبين معدومه ؟؟
مع الاسف هي ليست معدومة لكنها قليلة

نادرا ما نرى الثقة بين الحبيبين
هل يجب علينا ان لانثق بالحبيب او الحبيبه مطلقا ؟؟ام انه سوء اختيار ؟؟
لا كيف لا نثق بالحبيب..لان العلاقة سوف لن تصل الى المستوى المثالي الذي نطمح اليه جميعا

بالتأكيد هو سوء اختيار

***************

اقصى درجات الثقة هو الايمان بالشريك

وانا الحمد لله وصلت لهذه المرحلة


************

تحياتي

مشكورة على الطرح غاليتي

أنثى يخجل منها القمر
12-19-2009, 09:36 PM
في البداية اشكر صاحب هذا الموضوع ولكن الحب ليس تسليه او لعبه الحب مشاعر جياشه تبقى في داخل الانسان
اما عن الثقة فهذا يعتمد على الطرفين وعن طريقة تفكيرهم وقبل كلشي الشخص من يختار شريك حياته يتاكد من مشاعره واهدافه ويكدر يسوي اختبار اله وبهذا يبن الثقه بين الطرفين
تحياتي

نسمة حب
12-20-2009, 03:09 AM
ولكِ ايظا حواء نفس السؤال

هل اصبحت الثقه بين الحبيبين معدومه ؟؟

اختي وغاليتي الثقه صارت شي قليل يمكن نشوف التلاعب اكثر من الثقه والحب مع الاسف
هل يجب علينا ان لانثق بالحبيب او الحبيبه مطلقا ؟؟ام انه سوء اختيار ؟؟
مو قصه الثقه قصه ومافيها اختيار انسان الصيحيح انسان نكدر نامن بي (الانسان امبين من طيعته اذا كان يستحق الثقه او لا)
شكرا لك اختي العزيزه للموضوع الجميل تقبلي مروري المتواضع

أحزان
12-20-2009, 12:58 PM
اقتباس:
المشاركة الأصلية كتبت بواسطة عصبيه جداا http://www.iraqpf.com/violet/buttons/viewpost.gif (http://www.iraqpf.com/showthread.php?p=1632607#post1632607)

ولكِ ايضا حواء نفس السؤال

هل اصبحت الثقه بين الحبيبين معدومه ؟؟
مع الاسف هي ليست معدومة لكنها قليلة

نادرا ما نرى الثقة بين الحبيبين
هل يجب علينا ان لانثق بالحبيب او الحبيبه مطلقا ؟؟ام انه سوء اختيار ؟؟
لا كيف لا نثق بالحبيب..لان العلاقة سوف لن تصل الى المستوى المثالي الذي نطمح اليه جميعا

بالتأكيد هو سوء اختيار

***************

اقصى درجات الثقة هو الايمان بالشريك

وانا الحمد لله وصلت لهذه المرحلة


************

تحياتي

مشكورة على الطرح غاليتي



بالفعل اصبحت الثقه بين الحبيبين قليله بل قليله جداا قد يكون السبب هو سوء الاختيار كما تفضلتي
قطقوطة مارو شكرا جزيلا عالمرور

أحزان
12-20-2009, 01:02 PM
في البداية اشكر صاحب هذا الموضوع ولكن الحب ليس تسليه او لعبه الحب مشاعر جياشه تبقى في داخل الانسان
اما عن الثقة فهذا يعتمد على الطرفين وعن طريقة تفكيرهم وقبل كلشي الشخص من يختار شريك حياته يتاكد من مشاعره واهدافه ويكدر يسوي اختبار اله وبهذا يبن الثقه بين الطرفين
تحياتي

الشكر لله حبيبتي
غاليتي اعتقد الحب بالزمان هذا صاير لعبه وتلاعب بالمشاعر ونادرا منلكه حب صادق وحقيقي ووفي واني برأيي الانسان الي يحب من كل كلبه بصدق واخلاص هي الثقه من وحدهه راح تنزرع بين الطرفين
زهرة زرقاء نورتي الموضوع بردج

أحزان
12-20-2009, 01:09 PM
ولكِ ايظا حواء نفس السؤال

هل اصبحت الثقه بين الحبيبين معدومه ؟؟

اختي وغاليتي الثقه صارت شي قليل يمكن نشوف التلاعب اكثر من الثقه والحب مع الاسف
هل يجب علينا ان لانثق بالحبيب او الحبيبه مطلقا ؟؟ام انه سوء اختيار ؟؟
مو قصه الثقه قصه ومافيها اختيار انسان الصيحيح انسان نكدر نامن بي (الانسان امبين من طيعته اذا كان يستحق الثقه او لا)
شكرا لك اختي العزيزه للموضوع الجميل تقبلي مروري المتواضع

صدقتي والله التلاعب بالمشاعر صاير اكثر من الحب والثقه مع الاسف
اتمنى احد يجاوبني شنو الي خلا هكذا ناس من هذا الصنف يسوون هيج يعني معقوله اصبحت المشاعر كلهه مزيفه ؟؟
ماعرف والله سؤال محير وصعب ومايمكن احد يكدر يجاوب عليه
نسمة حب نور الموضوع بوجود ج حبي

زحل الخفاجي
12-20-2009, 02:21 PM
هل اصبحت الثقه بين الحبيبين معدومه ؟؟

الثقة مبدء وهبة زرع تقتات على التواصل الصادق وتتنفس الشفافية
فيما يخص هل أصبحت أم هل أمست هذه حكر على أصحاب الشأن
أي تعامل يحتاج الى ثقة بعد منحك للثقة تحتاج ان تصان هذه الثقة وان لاتُربك وتزعزع ربما تمر أزمة أو أزمتين لكن في الثالثة سيبدء معدل ثبوتها
بالهبوط الثقة ليست حكرا كون الحبيب وفي لمن أحب أو الحبيبة وفية
لا المسئلة تتعدى هذه الناحية بكثير
فبعد أن تُعرف النوايا تأخذ الثقة شكلا أخر ومضمونا أخر
ستبحث عن الأطمئنان وهل هما على قدر من الوعي والمسؤلية
هل ستنجح الحياة ويكونان لبنة سعيدة في حياة صعبة
عندما نمنح الثقة كأننا بنينا سور عالي متين وتخيلي أن تهدمي حجرا حجرا
منه ألا يتضعضع البنيان
الثقة أساس الحياة ولايقتصر الأمر على حبيبيين
فلولا ثقتنا في الله كعباد مخلصيين ان شاء الله لما تحملنا المصاعب والمشاق
وكلنا ثقة أنها في خزائن الله محفوظة



هل يجب علينا ان لانثق بالحبيب او الحبيبه مطلقا ؟؟ام انه سوء اختيار ؟؟


بالعكس يجب ان تثقي وان تصوني وتحافظي على هذه الثقة أما سوء الأختيار فشيء وارد لكون النفوس تغيرت كثيرا

اسير الحزن
12-20-2009, 06:03 PM
اود ان اشكرك اختي الغالية عصبية على هذا الموضوع الحساس والجميل

احب ان اقول وبكل صراحة الحب لدى بعض البنات انواع اكو وحدة تحب تصداق اكبر عدد ممكن

واكو وحدة تحب لاجل المادة واكو وحدة تحب لتقضية الوقت والله صارت عندي خبرة بهذا الموضوع

لان والله الحب كلمة فاشلة

أحزان
12-20-2009, 06:30 PM
هل اصبحت الثقه بين الحبيبين معدومه ؟؟

الثقة مبدء وهبة زرع تقتات على التواصل الصادق وتتنفس الشفافية
فيما يخص هل أصبحت أم هل أمست هذه حكر على أصحاب الشأن
أي تعامل يحتاج الى ثقة بعد منحك للثقة تحتاج ان تصان هذه الثقة وان لاتُربك وتزعزع ربما تمر أزمة أو أزمتين لكن في الثالثة سيبدء معدل ثبوتها
بالهبوط الثقة ليست حكرا كون الحبيب وفي لمن أحب أو الحبيبة وفية
لا المسئلة تتعدى هذه الناحية بكثير
فبعد أن تُعرف النوايا تأخذ الثقة شكلا أخر ومضمونا أخر
ستبحث عن الأطمئنان وهل هما على قدر من الوعي والمسؤلية
هل ستنجح الحياة ويكونان لبنة سعيدة في حياة صعبة
عندما نمنح الثقة كأننا بنينا سور عالي متين وتخيلي أن تهدمي حجرا حجرا
منه ألا يتضعضع البنيان
الثقة أساس الحياة ولايقتصر الأمر على حبيبيين
فلولا ثقتنا في الله كعباد مخلصيين ان شاء الله لما تحملنا المصاعب والمشاق
وكلنا ثقة أنها في خزائن الله محفوظة



هل يجب علينا ان لانثق بالحبيب او الحبيبه مطلقا ؟؟ام انه سوء اختيار ؟؟


بالعكس يجب ان تثقي وان تصوني وتحافظي على هذه الثقة أما سوء الأختيار فشيء وارد لكون النفوس تغيرت كثيرا


كلامكِ منطقي زحل ولكن اذا بدرت خيانه او شك بخيانه وعدم وفاء واخلاص من احد الطرفين سوف تتزعزع الثقه حتى بالنفس لملامتها لسوء اختيار الحبيب او الحبيبه وصدقيني قد يرافق الشخص المتعرض لهكذا صدمه الى انهيار تام
لا اله الا الله فقدنا حتى الحب هذه الكلمه المقدسه وللأسف بعضهم يستخدمونها لاغراض دنيئه تافهه فلا احد يقوم بأستخدامها الصحيح الا من يحب بصدق وقلب ونيه صافيه والحمدلله هناك الكثير والاغلبيه ممن لايمتلكون هذا القلب وهذه النيه
زحل الخفاجي نورتي متصفحي بمروركِ المميز

مخاوي الليل
12-20-2009, 07:19 PM
السلام عليكم ورحمة الله وبركاته


اول شي احب ان اوجه شكري لـ الاخت عصبية على طرحها مثل هيك مواضيع


نجي اول شي الانسان يا عزيزتي اذا كان واعي علية اول شي ان يعرف شنو معنى الحب

ومثل منعرف كلنة او معظمنة ما اريد اكول كلنة الحب مو بس للحبيبين الحب لله حب الخير للناس حبك لاهلك لاصدقائك لنفسك وحبيبك

يعني كلمة حب مو مقترنة بس بالحبيب .
لنفترض صار عندك حبيب وحبيتة ميتوارد لنفسك بيوم من الايام سؤال
السؤال انو الحب شنو بس مجرد حبيبتي وحياتي واحبج وهالكلام المعسول اني رح اكولة لو سمحت ولهنا وانت مخطيء اذا جاوبت بنعم
لان الحب مو بس كلام معسول وهدايا ومسجات واتصالات , و اذا الحب صار هيجي رح يصير حالة مثل حال اي شي بالدنيا سواء كان شي ملموس او محسوس , وطبعا الحب الصحيح بين الحبيبين عمرة ميصير حالة حال اي شي بالدنيا.
رح تكولولي شلون مثل اي شي بالدنيا ملموس او محسوس ؟؟؟

اني اكولكم شلون : انت مثلا البنت اللي تحبها هسة او الشاب اللي تحبي هسة يعني مريت بفترات طويلة حتى يصير حبيبج او حتى تصير حبيبتك لان كان\كانت حلم ببالك انوا يصير الحبيب مالك لكن ورا فترة من رح يصير مضمون علاقتكم بس كلام معسول والامور اللي ذكرتها رح يجي ويبدي شي اسمة <<الملل >> , واذا صار الملل يدور بين خوالج نفسك من العلاقة ,رح تتحطم العلاقة رويدا رويدا

نفس الشي انت من تشوف سيارة فرضا جديدة وكان بنفسك تشتريها من زمان وبعدين اشتريتها وكمت تسوق بيها شهر شهرين سنة رح تمل منها وهذا شي طبيعي لان ما بيدك تسوي شي تجاهها لان ماكو مشاعر حتى يتغير فد شي فلهذا شبهت الحب والعلاقة اذا انبنت على الكلام المعسول والاتصالات والمجاملات رح تصير حالهة حال السيارة الملموسة اللي نكدر نلمسهة لان انقادت للملل .

فشنو المطلوب يا ادم وحواء حتى تخلين العلاقة متنقاد الى طريق الملل والضجر .

برأيي الخاص انو تغيير كل شيء بين فترة واخرى وبناء العلاقة على انها مو مجرد كلام وهدايا لا ابنيهة على انها اني انظر وي الحبيب بنفس الطريق اهدافي تكون متوحدة وي اهدافة هذا هو الحب اشاركة بالحزن والفرح اشجعة واصيرلة الصدر الحنون وقت الضيق .



حجيت هواية هههههههههه

نجي لسؤال عصبية

اوجه سؤالي الى ادم

ان كنت لاتحب الفتاة من قلبك لماذا تقوم بالتلاعب بمشاعرها ؟

اوكي يا عصبية
اني اكول ان الشاب او البنت اذا كالوا نحب وهمة ميحبون راسا يتبادر لذهني كلمة مصلحة

اكو شي وراء هذي العلاقة الكاذبة اللي بيهة ضحية سواء كان بنت او شاب

ومثل متعرفون المصالح اليوم ما شاء الله يا مكثرها الله يجيرنة بس, وطبعا لو خليت قلبت مو الكل هيج, واني هذا رأيي بالنسبة للي يحب مظهريا وليس من الداخل يعني لازم عندة مصلحة يقضيهة وبعدين بيباي


وبالنسبة للثقة , اني اوافق الكثير من الاخوان والاخوات اللي ردوا قبلي انو صارت و مع كل الاسف معدومة او شبه معدومة لهذا اني انصح كل شاب او بنت لا يتسرعون بمشاعرهم ومبادلتها مع الطرف الثاني الى ان تعرف وتتأكد انو الطرف الثاني يبادلك المشاعر بصدق ويحبك لشخصك مو لغير شي ذاك الوكت ممكن ان تثق بي .


شكرا الك عصبية على طرحك المميز للموضوع

ان شاء الله اكون وفقت بالرد على اسئلتك



تحياتي العطرة

زحل الخفاجي
12-20-2009, 07:23 PM
اقتباس:
المشاركة الأصلية كتبت بواسطة عصبيه جداا http://www.iraqpf.com/violet/buttons/viewpost.gif (http://www.iraqpf.com/showthread.php?p=1634860#post1634860)
كلامكِ منطقي زحل ولكن اذا بدرت خيانه او شك بخيانه وعدم وفاء واخلاص من احد الطرفين سوف تتزعزع الثقه حتى بالنفس لملامتها لسوء اختيار الحبيب او الحبيبه وصدقيني قد يرافق الشخص المتعرض لهكذا صدمه الى انهيار تام
لا اله الا الله فقدنا حتى الحب هذه الكلمه المقدسه وللأسف بعضهم يستخدمونها لاغراض دنيئه تافهه فلا احد يقوم بأستخدامها الصحيح الا من يحب بصدق وقلب ونيه صافيه والحمدلله هناك الكثير والاغلبيه ممن لايمتلكون هذا القلب وهذه النيه
زحل الخفاجي نورتي متصفحي بمروركِ المميز





بس أتوقع بموضوعك ماكو تطرق للخيانة ومع ذلك أنا قلت تصان الثقة

كيف نصون الثقة ونعززها غير أكو أحساس أني أحسه أنو المقابل مثل ما أني صاين ثقته بي

هو هم صاين ثقتي به

أما مسئلة يخون ويتلاعب هذا أصلا مفاهم شنو يعني حياة ومشاعر وعفة

ماكو أدنى شك الخيانة أدمر وتقضي على كل شي وجرحه مستحيل يندمل

أني أريد أعيش حياة سعيدة دافئة بيدي هذا الشي أحدد أولوياتي

أحدد علاقاتي أحاسب على كلامي بشكل عام هالشي ينطبق على المرأة والرجل

ليخلقون مبررات هذا خلان لأن هي كذا وهي خانت لأن هو كذا هذا اسميه لعب وجهل

وكُفر
لأن أتذكري وأتذكر راح يجي يوم أولادكم يعيشون نفس القصة أو تتعرضون الى نكبة

بحياتكم الزوجية وقتها نكول هذا حق فلان أو فلانة وقت مينفع الندم بشيء

لهذا الندم مر لأن يرافق طول حياتك

سوء الأختيار أمر وارد لكن لايُلدغ المؤمن من جحر مرتيين

ومدام الأنسان خايف ربه الله راح ينجيه ويرزق الأفضل أله

أحزان
12-20-2009, 09:07 PM
السلام عليكم ورحمة الله وبركاته


اول شي احب ان اوجه شكري لـ الاخت عصبية على طرحها مثل هيك مواضيع


نجي اول شي الانسان يا عزيزتي اذا كان واعي علية اول شي ان يعرف شنو معنى الحب

ومثل منعرف كلنة او معظمنة ما اريد اكول كلنة الحب مو بس للحبيبين الحب لله حب الخير للناس حبك لاهلك لاصدقائك لنفسك وحبيبك

يعني كلمة حب مو مقترنة بس بالحبيب .
لنفترض صار عندك حبيب وحبيتة ميتوارد لنفسك بيوم من الايام سؤال
السؤال انو الحب شنو بس مجرد حبيبتي وحياتي واحبج وهالكلام المعسول اني رح اكولة لو سمحت ولهنا وانت مخطيء اذا جاوبت بنعم
لان الحب مو بس كلام معسول وهدايا ومسجات واتصالات , و اذا الحب صار هيجي رح يصير حالة مثل حال اي شي بالدنيا سواء كان شي ملموس او محسوس , وطبعا الحب الصحيح بين الحبيبين عمرة ميصير حالة حال اي شي بالدنيا.
رح تكولولي شلون مثل اي شي بالدنيا ملموس او محسوس ؟؟؟

اني اكولكم شلون : انت مثلا البنت اللي تحبها هسة او الشاب اللي تحبي هسة يعني مريت بفترات طويلة حتى يصير حبيبج او حتى تصير حبيبتك لان كان\كانت حلم ببالك انوا يصير الحبيب مالك لكن ورا فترة من رح يصير مضمون علاقتكم بس كلام معسول والامور اللي ذكرتها رح يجي ويبدي شي اسمة <<الملل >> , واذا صار الملل يدور بين خوالج نفسك من العلاقة ,رح تتحطم العلاقة رويدا رويدا

نفس الشي انت من تشوف سيارة فرضا جديدة وكان بنفسك تشتريها من زمان وبعدين اشتريتها وكمت تسوق بيها شهر شهرين سنة رح تمل منها وهذا شي طبيعي لان ما بيدك تسوي شي تجاهها لان ماكو مشاعر حتى يتغير فد شي فلهذا شبهت الحب والعلاقة اذا انبنت على الكلام المعسول والاتصالات والمجاملات رح تصير حالهة حال السيارة الملموسة اللي نكدر نلمسهة لان انقادت للملل .

فشنو المطلوب يا ادم وحواء حتى تخلين العلاقة متنقاد الى طريق الملل والضجر .

برأيي الخاص انو تغيير كل شيء بين فترة واخرى وبناء العلاقة على انها مو مجرد كلام وهدايا لا ابنيهة على انها اني انظر وي الحبيب بنفس الطريق اهدافي تكون متوحدة وي اهدافة هذا هو الحب اشاركة بالحزن والفرح اشجعة واصيرلة الصدر الحنون وقت الضيق .



حجيت هواية هههههههههه

نجي لسؤال عصبية

اوجه سؤالي الى ادم

ان كنت لاتحب الفتاة من قلبك لماذا تقوم بالتلاعب بمشاعرها ؟

اوكي يا عصبية
اني اكول ان الشاب او البنت اذا كالوا نحب وهمة ميحبون راسا يتبادر لذهني كلمة مصلحة

اكو شي وراء هذي العلاقة الكاذبة اللي بيهة ضحية سواء كان بنت او شاب

ومثل متعرفون المصالح اليوم ما شاء الله يا مكثرها الله يجيرنة بس, وطبعا لو خليت قلبت مو الكل هيج, واني هذا رأيي بالنسبة للي يحب مظهريا وليس من الداخل يعني لازم عندة مصلحة يقضيهة وبعدين بيباي


وبالنسبة للثقة , اني اوافق الكثير من الاخوان والاخوات اللي ردوا قبلي انو صارت و مع كل الاسف معدومة او شبه معدومة لهذا اني انصح كل شاب او بنت لا يتسرعون بمشاعرهم ومبادلتها مع الطرف الثاني الى ان تعرف وتتأكد انو الطرف الثاني يبادلك المشاعر بصدق ويحبك لشخصك مو لغير شي ذاك الوكت ممكن ان تثق بي .


شكرا الك عصبية على طرحك المميز للموضوع

ان شاء الله اكون وفقت بالرد على اسئلتك



تحياتي العطرة


وعليكم السلام
الشكر لله اخي العزيز
مخ مخ انعمت عيوني لو مكبر كتابتك 1wس :veiledsmile2:
مو هي المشكله ياعزيزي همه يتخذون الحب طريقه لمصلحه معينه في بالهم واني ماحدد بس على ادم بل حواء ايضا ولكل الاسف اتخذت هالطريق تسليه وونسه والحمدلله اغلب شبابنا ممقصرين يزعمون الحب وهم لايعرفون معنى الحب ينمقون للطرف الاخر بكلام معسول تخضع له النفوس لا للحب صدقني بل لارضاء شهوتهِ حقا انها مصيبه ماذنب الفتاة او الشاب هم اكيد ضحيه ولكن سيتعضون بالتأكيد
مخاوي الليل شرفني حضورك المميز